Выписка из журнала заседания Священного Синода от 29 декабря 2022 года под председательством Святейшего Патриарха Московского и всея Руси Кирилла

СЛУШАЛИ:

Рапорты Преосвященного митрополита Петрозаводского и Карельского Константина, председателя Синодальной богослужебной комиссии, и Преосвященного митрополита Калужского и Боровского Климента, председателя Издательского Совета Русской Православной Церкви, о представлении на утверждение Священного Синода ряда богослужебных текстов и текстов акафистов. ПОСТАНОВИЛИ:

  1. Утвердить к общецерковному богослужебному употреблению представленные тексты служб:
    1. священномученику Кириллу, митрополиту Казанскому;
    2. святителю Антонию, архиепископу Воронежскому и Задонскому;
    3. преподобномученицам великой княгине Елисавете и инокине Варваре;
    4. новомученикам Богородским*);
    5. новомученикам Коломенского духовного училища**);
    6. преподобноисповеднику Гавриилу Мелекесскому;
    7. преподобному Антипе Валаамскому (Афонскому);
    8. преподобному Гавриилу Самтаврийскому.
  2. Одобрить для употребления за богослужением и в домашней молитве предложенные тексты:
    1. акафиста Рождеству Пресвятой Богородицы;
    2. акафиста Положению честной Ризы Пресвятой Богородицы;
    3. акафиста Пресвятой Богородице в честь иконы, именуемой "Абалакская";
    4. акафиста Пресвятой Богородице в честь иконы, именуемой "Знамение-Корчемная";
    5. акафиста преподобным Спиридону и Никодиму, просфорникам Печерским;
    6. акафиста преподобному Василиску Сибирскому;
    7. акафиста преподобному Корнилию, Крыпецкому чудотворцу.
  3. Направить утвержденные богослужебные тексты и тексты акафистов в Издательство Московской Патриархии для включения в богослужебные сборники.
*) Прот. Константин Алексеевич Голубев, послушница Александра Дьячкова, прот. Сергий Махаев, иерей Алексий Сперанский, иерей Димитрий Беляев, протоиерей Николай Андреев, протоиерей Николай Дмитриевич, протоиерей Иоанн Державин, иерей Феодор Недосекин, диакон Алексий Сенкевич, диакон Иосиф Сченснович, диакон Сергий Астахов, диакон Николай Широгоров, псаломщик Михаил Амелюшкин

  **) сщмч. Григорий (Лебедев), епископ Шлиссельбургский, викарий Петроградской епархии (17 сентября); сщмч. Димитрий Троицкий, диакон (22 октября); сщмч. Сергий Лосев, пресвитер (29 октября); сщмч. Александр Орлов, пресвитер (13 октября); сщмч. Павел Преображенский, пресвитер (21 октября); сщмч. Георгий Троицкий, пресвитер (29 октября); сщмч. Сергий Бажанов, пресвитер (31 октября); сщмч. Иаков Бриллиантов, пресвитер (2 декабря); сщмч. Илия Зачатейский, пресвитер (9 декабря); прпмч. Никон (Беляев), архимандрит (10 декабря); сщмч. Иоанн Державин, пресвитер (13 декабря); сщмч. Василий Холмогоров, пресвитер (16 января); сщмч. Александр Русинов, пресвитер (31 января); сщмч. Александр Минервин, пресвитер (17 февраля); сщмч. Петр Успенский, пресвитер (12 марта); сщмч. Вениамин Фаминцев, пресвитер (14 марта); сщмч. Иоанн Стрельцов, пресвитер (14 марта); сщмч. Александр Лихарев, пресвитер (17 марта); сщмч. Димитрий Розанов, пресвитер (31 марта)

Месяца ноября в 7-й день
священномученика Кирилла, митрополита Казанскаго
Тропарь святаго, глас 3:
Велика в скорбех утешителя/ обрете тя Церковь Русская, святе Кирилле,/ ты бо, в годину гонения чашу страданий прием,/ жаждущия правды воедино собрал еси,/ яко орел небесный под криле птенцы своя,/ и вся научил еси/ веры доброму исповеданию./ Темже в лице новых мученик/ Престолу Божию предстоиши,/ моляся о чтущих любовию память твою.
Ин тропарь, глас 5:
Якоже солнце светозарное,/ возсия днесь память твоя, святителю Кирилле,/ лучами благодати озаряющи верных сердца/ к прославлению дивнаго во святых Своих Бога,/ даровавшаго тебе крепость во исповедании и терпение в скорбех./ Темже молим тя:/ не премолчи о нас ко Господу/ и избави от всякаго зла,/ Церковь Русскую от раздоров и нестроений сохрани,/ мир мирови испроси/ и душам нашим велию милость.
Кондак, глас 5:
Лучезарною твоею благодатию нас просвети,/ поющих мужества твоего крепость,/ яже воителем тьмы бе неприступна,/ и молитвами твоими Церковь Русскую в единомыслии утверди/ и от бед отечество наше огради,/ святителю Кирилле, мучениче славный.
Ин кондак, глас 3:
Столп и жертва Церкве Христовы быв,/ сию непоколебиму от искушений лукаваго премудро соблюл еси/ и, козни вражия твердым умом разорив,/ едину Церковь апостольскую проповедал еси,/ Кирилле богоблаженне,/ святителей Русских похвало,/ моли спастися душам нашим.
Месяца иулия в 5-й день
преподобномученицы великия княгини Елисаветы
и с нею преподобномученицы Варвары Тропарь, глас 1:
Смирением достоинство княжеское сокрывши, богомудрая Елисавето,/ сугубым служением Марфы и Марии Христа почтила еси,/ милосердием, терпением и любовию себе предочистивши,/ яко жертва праведная Богу принеслася еси./ Мы же, чтуще добродетельное житие и страдания твоя,/ яко истинную наставницу усердно просим тя:/ святая мученице великая княгине Елисавето,/ моли Христа Бога спасти и просветити души наша.
Кондак, глас 2:
Величие подвига веры кто повесть:/ во пропасти земней светом небесным осиянная,/ страстотерпица великая княгиня Елисавета/ со Ангелы во псалмех и пениих радовашеся/ и, убиение претерпевающи,/ о безбожных мучителех взываше:/ Господи, прости им грех сей,/ не ведят бо, что творят./ Тоя молитвами, Христе Боже,/ помилуй и спаси души наша.
Месяца ноемвриа в 7-й день
новомучеников Богородских
Тропарь, глас 4:
Христа Спаса вернии ученицы,/ Церкве Русския блаженная чада,/ святии новомученицы Богородстии,/ вы, веру Православную твердо исповедавше,/ стезею крестною к Небесному граду востекли есте./ Темже, яко теплии ходатаи наши,/ присно молитеся ко Господу спастися душам нашим.
Кондак, глас 5:
Чада верная Церкве Русския,/ мучений и смерти не убоявшеся,/ за Христа страдания прияли есте/ и землю Богородскую кровьми своими освятили есте./ Ныне же, у Престола Божия веселящеся,/ о земнем Отечестве вашем непрестанно молитеся,/ веру и благочестие в нем укрепити/ и нам победительми греха явитися.
Месяца септемврия в 4-й день
новомучеников Коломенскаго духовнаго училища
Тропарь, глас 5:
Матерь познавше Христову Церковь,/ училище благодати и истины возлюбисте,/ догматы же Православными утверждени,/ столпи непоколебимии веры явистеся/ и, заветы евангельския добре исполнивше,/ мученическими кровьми ризы своя обагристе./ О, страстотерпцы прехвальнии,/ поминайте нас, чтущих любовию память вашу,/ да обрящем у Христа Бога велию милость.
Ин тропарь, глас тойже:
Матерь познавше Христову Церковь,/ страстотерпцы прехвальнии,/ благодати и истины исполненнии,/ не словеси токмо научистеся,/ но Духу Животворящему последовасте/ и, мученическими кровьми ризы своя обагривше,/ столпи непоколебимии веры явистеся./ Темже молим вы,/ поминайте чтущих любовию память вашу.
Кондак, глас 3:
Огнь благодати от Духа восприимше,/ святии новомученицы училища Коломенскаго,/ огня безбожия не убоястеся/ и, Христа православно исповедавше,/ кровьми своими веру запечатлесте./ Темже всех нас во благочестии утвердите,/ учащим и учащимся просвещение подайте,/ богословцы и мученицы преславнии.
Месяца октября в 18-й день
преподобноисповедника Гавриила, архимандрита Мелекесскаго
Тропарь, глас 3:
Вельми светел явися нам подвиг жития твоего,/ исповедниче Христов Гаврииле,/ любве ради ко Господу радостию на скорбь и лишения изшел еси,/ крест же свой носяй и образ терпения показуяй,/ верныя в годину озлобления пастырски в вере соблюл еси/ и обитель Духа Святаго явился еси./ Темже убо вопием ти:/ молитвами твоими спаси души наша.
Кондак, глас 2:
Крепости Божия соименник/ и причастник Божия благодати явился еси,/ отче Гаврииле,/ преподобием и исповедничеством/ истину Православныя веры утверждая,/ иго Христово до конца восприял еси,/ темже и прославлен еси со святыми,/ моли Христа Бога спастися душам нашим.
Месяца октября в 20-й день
преподобнаго Гавриила Самтаврийскаго
Тропарь святаго, глас 1:
Владыце Христу, Богу нашему,/ Иже славу Свою рабиим зраком скры,/ в смирении и кротости подражая,/ юродства вретищем благодать, ти данную, покрыл еси/ и духовный наставник многим явился еси,/ отче преподобне Гаврииле./ Темже и нас во благочестии укрепи/ и моли спастися душам нашим.
Кондак, глас 4:
Непостижима есть милость Господа,/ Егоже благодатию естество наше обожено бысть,/ ты же, блаженне отче, во смирении глубоце жительствуя,/ правду Божию проповедал еси/ и, лирою мудрости звяцая,/ любовию к ближним пламенел еси/ и тако, образ Творца в себе нося,/ добродетельми подобие Божие в себе уяснил еси./ Мы же, прославляюще тя похвалы достойными,/ яко ходатаю Божия благодати, сице вопием:/ радуйся, преподобне Гаврииле, Иверии похвало и радование.
PATRIARCHIA.RU