Рапорт Преосвященного митрополита Петрозаводского и Карельского Константина, председателя Синодальной богослужебной комиссии, о представлении на утверждение Священного Синода ряда богослужебных текстов.

ПОСТАНОВИЛИ:

1. Утвердить к общецерковному богослужебному употреблению представленные тексты служб:
   • мученику Алексию Елнатскому;
   • преподобному Амфилохию Почаевскому;
   • преподобному Василиску Сибирскому;
   • благоверному князю Олегу Брянскому.
2. Утвердить тексты тропаря и кондака священномученикам Александру Сахарову и Иоанну Тихомирову Шатурским.
3. Направить утвержденные богослужебные тексты в Издательство Московской Патриархии для включения в богослужебные сборники.

Тропарь мученику Алексию Елнатскому, глас 1:
Рачением божественным уязвився от юности,/ юродством вольным мудрость века сего посрамил еси,/ премудрости Божией в тайных поучаяся,/ предзрел еси, яко настоящая, грядущая,/ не словом, но житием образ быв добродетели,/ страдальчески течение скончал еси,/ темже Христос сугуба венца сподоби тя, блаженне Алексие,/ Егоже моли спастися душам нашим.

Кондак мученику Алексию Елнатскому, глас 6:
Христовою любовию распалаемь,/ не убоялся еси вещественнаго огня,/ терпением твоим врага посрамив,/ сердце мучителево уязвил еси кроткими твоими глаголы,/ провещая гнев Божий, праведно грядущий нань,/ и о прощении всех, блаженне, моляся./ Темже тебе припадаем и тепле вопием:/ не премолчи за ны ко Господу.

Тропарь преподобному Амфилохию Почаевскому, глас 4:
Земли Волынския преславна подвижника/ и обители Почаевския достойна насельника,/ людей православных изрядна целителя,/ яви тя Церкви Своей Христос Бог наш,/ преподобне отче Амфилохие,/ Емуже усердно молися/ от навет вражиих свободитися и спастися душам нашим.

Кондак преподобному Амфилохию Почаевскому, глас 2:
Изволением Девы Пречистыя/ в обители Почаевстей вселился еси,/ идеже, подвижническое и скорбное житие провождая,/ даром молитвы умныя обогатился еси/ и Царствия Небеснаго наследник явился еси./ Темже вопием ти:/ радуйся, Амфилохие, отче блаженне,/ целебниче и чудотворче.

Святых священномучеников Александра Сахарова и Иоанна Тихомирова Шатурских

Тропарь, глас 3:
Преславную мученик двоицу,/ служителей Таин Божественных,/ хвалу Церкве и жертву священную,/ днесь любовию восхвалим, вернии,/ Александра и Иоанна пастырей наших,/ иже подвиги веры и благочестия/ паству во единстве соблюдоша/ и даже до смерти за Христа пострадаша,/ Егоже прилежно молят спасти души наша.

Кондак, глас 2:
Верою несумненною, яко брачною одеждею, облекшеся,/ к светлому чертогу Небесному устремистеся,/ священномученицы Александре и Иоанне,/ единаго же Христа всем сердцем возлюбивше,/ страдания многая и смерть претерпесте./ Ныне нетленныя трапезы наслаждаетеся/ и молитеся спастися душам нашим.